Երկուշաբթի, 20 ապրիլի, 2026 թ.
|
Ստեփանակերտում`   +8 °C

44-օրյա պատերազմի մասնակիցները դադարեցրին հացադուլը

44-օրյա պատերազմի մասնակիցները դադարեցրին հացադուլը
495
Ուրբաթ, 22 ապրիլի, 2022 թ., 20:54

Ազատության հրապարակում հացադուլ հայտարարած 44-օրյա պատերազմի մասնակիցներ Նվեր Կիրակոսյանն ու Արթուր Ավագյանը դադարեցրին հացադուլը։

Վերջինների խոսքով՝ իրենց առջև դրված խնդիրը համարում են կատարված։

«Երեկ մենք նախաձեռնեցինք ստորագրահավաք, որ առարկայական արձանագրենք և մեկտեղենք այս բոլոր մտահոգ մարդկանց խոսքը։ Այս պահին ստորագրողների քանակը հասել է 2200-ի։ 2200 հոգի եկել և ասում է, որ ինքն այն կրտիիկական զանգվածն է, որ եթե իր պահանջն Արցախի վերաբերյալ չլինի, ապա ինքը պատրաստ է գործողությունների»,- ասաց Նվեր Կիրակոսյանը՝ նշելով, որ ստորագրահավաքը շարունակվելու է։

«Տեսնելով ստորագրած մարդկանց քանակը, տեսնելով ձեզ այս հրապարակում կանգնած՝ ես և Արթուրը համարում ենք, որ ինչի համար, որ դիմել էինք այս ծայրահեղ քայլին, այն է՝ արթնացնել անկախության սերնդի ներկայացուցիչներին՝ հանուն Արցախի, այս փուլում համարում ենք կատարված»,- նշեց նա։