Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Այս կրկեսին մասնակցելով՝ դուք զոհաբերում եք մեզ ու մեր երեխաներին». Արթուր Դանիելյան

«Այս կրկեսին մասնակցելով՝ դուք զոհաբերում եք մեզ ու մեր երեխաներին». Արթուր Դանիելյան
1196
Ուրբաթ, 22 ապրիլի, 2022 թ., 22:12

«Ադեկվադ» միաբանության հիմնադիր Արթուր Դանիելյանը ֆեյսբուքյան իր էջում գրել է. «Երեկ Իսպանիայում մահացած են գտել գազի արտահանմամբ զբաղվող ռուսական «Նովատեկ» ընկերության փոխնախագահին: Պաշտոնական վարկածի համաձայն՝ նա կացնահարել է իր կնոջը և մանկահասակ երեխային, հետո ինքնասպան է եղել: Դրանից մի օր առաջ էլ Մոսկվայում էին մահացած հայտնաբերել Գազպրոմբանկի փոխնախագահին: Նա նույնպես սպանել էր սեփական կնոջն ու երեխային ու ինքնասպան եղել: Նույն օրը հրդեհվել է հրթիռաշինությամբ զբաղվող առանցքային գիտահետազոտական ինստիտուտի սենյակ, որտեղ մահացել է 7 գիտնական, ովքեր, ի թիվս այլ բաների, նախագծում էին նաև Իսկանդերները և իբր թե գերժամանակակից ռուսական այլ հրթիռներ:

Աշխարհով մեկ ինքնասպանությունների ու հրկիզումների ալիք է գնում, որը կա՛մ պատժիչ գործողություն է, կա՛մ հետքերի մաքրման գործընթաց: Այս գործընթացը շատ կարևոր է հայերիս՝ ստեղծված ներքաղաքական իրավիճակը հասկանալու համար:

Հասկացեք՝ բարձրաստիճան գործակալները չեն կարող չկատարել հրահանգը: Չկատարելու դեպքում նրանք ոչ միայն դիզված ունեցվածքը կկորցնեն, այլ իրենց աչքերի առաջ իրենց ընտանիքը կացինով կփրթեն, իրենց էլ կինքնասպանեն: Հետևաբար իմաստ չունի ոչ միայն սրանց հետ որևէ համագործակցությունը, այլ նույնիսկ իրենց ճիշտ ուղու վրա դնելու փորձերը: Ինչքան էլ համոզեք, բացատրեք, ապացուցեք, որ իրենց արածն անբարոյականություն է, դուք չեք կարող ավելի ծանրակշիռ փաստարկ բերել, քան իրենց երեխաների կյանքն է:

Էս մարդկանց պետք է միայն վարկաբեկել ու բարոյապես ոչնչացնել, որպեսզի իրենք հրաման կատարելու տարբերակ չունենան: Սա, իմիջիայլոց, նաև իրենց ընտանիքները կարա փրկի (թեպետ դժվար):

Եթե մենք շարունակենք մասնակից լինել այն կրկեսին, որում հայրենասեր բառիգները Փարուխի հանձնման կամ ցեղասպանությանը նվիրված միջոցառման արգելքի հետ խնդիր չունեն, իրենց երեխաների փոխարեն փրթվելու են մեր երեխաները: Այնպես, ինչպես դա եղել է բազմից ու ևս մեկ անգամ 44-օրյայի ընթացքում:

Հայաստանում պայմանական ռուսամետներն իբր թե կատաղի պայքար են տանում պայմանական թուրքամետների դեմ, մինչդեռ բուն Ռուսաստանն ու Թուրքիան իրենց բոլոր հարցերը լուծում են մեր հաշվին:
Կրկնում եմ՝ այս կրկեսին մասնակցելով՝ դուք զոհաբերում եք մեզ ու մեր երեխաներին, իրենց երեխաների փոխարեն: Ընդ որում՝ եթե իրենք պատժվեն, դա կլինի մի քանի տասնյակ ընտանիք, իսկ մեր դեպքում՝ մի քանի հազար...»:

Աղբյուրը`   Արթուր Դանիելյան