Թուրքիայի իշխող կուսակցության մամուլի խոսնակը դժգոհել է Բայդենի ուղերձից

Թուրքիայի իշխող «Արդարություն և զարգացում» կուսակցության (AKP-ԱԶԿ) մամուլի խոսնակ Օմեր Չելիքը Тwitter-ում արձագանքել է ԱՄՆ նախագահ Ջո Բայդենի ապրիլքսանչորսյան ուղերձին։

Նա պատմաիրավական տեսանկյունից հիմնազուրկ է համարել Սպիտակ տան ղեկավարի ուղերձը և նշել, որ հայկական լոբբիի թեզերի հիման վրա է այդ հայտարարությունը արվում։
«Բայդենի հայտարարության նպատակն է հաճոյանալ ցեղասպանության զրպարտությունը լոբբինգի վերածածներին։

Թուրքիան կողմ է արդարացի մոտեցում ձևավորելուն։ Մեր նախագահը համապատասխան մոտեցում է ցուցաբերել 1915թ. դեպքերը՝ առանց նեղ քաղաքական մոտեցումների թեմա դարձնելու գիտականորեն ուսումնասիրելու համար»,- գրել է Չելիքը։

Այս ինքնավստահ մոտեցումների նկատմամբ հայկական լոբբիի թեզերի վրա հիմնված հայտարարության մեջ չկա բարի կամք»։