Ադրբեջանի ԱԳՆ-ն անդրադարձել է Բայդենի ուղերձին

Ադրբեջանի ԱԳՆ-ն անդրադարձել է ԱՄՆ նախագահ Ջոզեֆ Բայդենի ուղերձին՝ նշելով, որ, իբրև թե, Բայդենի հայտարարության մեջ 1915 թվականի իրադարձությունների մասին պատմական ճշմարտության հերթական անգամ խեղաթյուրումը ցավալի է:

1915 թվականի իրադարձությունների տարելիցի կապակցությամբ ԱՄՆ նախագահի ելույթի կապակցությամբ Ադրբեջանի ԱԳՆ կայքում տեղադրված հաղորդագրության մեջ ասվում է, որ հարյուր տարի առաջ տեղի ունեցած իրադարձությունները խեղաթյուրելու փորձերը և քաղաքականացված «ցեղասպանություն» եզրույթը օրակարգում ներառելը անընդունելի են: «ԱՄՆ նախագահի հայտարարությունը անհամատեղելի է նաև Թուրքիայի և Հայաստանի միջև հարաբերությունների կարգավորման շուրջ ընթացող բանակցությունների հետ»-, նշել են ԱԳՆ-ում։

Հայտարարության մեջ ասվում է նաև, որ 1915 թվականի իրադարձություններով պետք է զբաղվեն ոչ թե քաղաքական գործիչները, այլ պատմաբանները. «Անընդունելի են պատմությունը կեղծելու փորձերը, դրա օգտագործումը քաղաքական ճնշման նպատակով»։