«Էդ էրկու կարգախոսներից էն կողմ բան չկա՞ ասելու»․ Գևորգ Աճեմյան

Վարչապետի աշխատակազմի գործերի նախկին կառավարիչ Գևորգ Աճեմյանը ֆեյսբուքյան իր էջում գրել է. «Արա, ո՞նց կարան երկու խորհրդարանական քաղաքական ֆրակցիաներ ասելիք չունենան։ Ամբողջ օրը նիկոլ, հա նիկոլ, թուրք, հա թուրք։ Էդ էրկու կարգախոսներից էն կողմ բան չկա՞ ասելու։ Վատն էն ա, որ այս կարգախոսները ծառայում են նաև որպես բովանդակություն։ Հելնում բեմի վրա 40 րոպե նիկոլից են խոսում, 40 րոպե թուրքից։ Արա մեկ-մեկ էլ հայերից խոսացեք։ Մեկ-մեկ էլ խոսացեք, թե ինչ ծրագիր ունեք։ Խոսեք ձեր ծրագրերի առավելություններից։ Ինչու ոչ՝ նաև թերություններից՝ մարդ ես, կարող ա մի լուծում էլ կողքից մեկն ասի ու ձեր ծրագիրը դառնա անթերի։ Ինչո՞ւ չեք խոսում։ Ինչո՞ւ։ Ինչո՞ւ եք միայն բղավում ու լաչառություն անում։
Սրան մի բացատրություն կա. ձեր միակ նպատակը նիկոլին փոխելն է։ Դուք չեք ցանկանում իրավիճակը փոխել։ Դուք ցանկանում եք գալ իշխանության ու ասել, որ նիկոլը նենց ավերակի ա վերածել երկիրը, որ մի էրկու հարյուր տարի պետք ա, որ երկիրը վերականգնենք քոչարյանի ժամանակվա վիճակին, մի էրկու հարյուր տարի էլ պետք ա, որ մի քիչ էլ հզորանանք։ Վերջ։ Էս ա ձեր ասելիքն ու նպատակը։ Դուք նիկոլին եք ասում կապիտուլյանտ, բայց դուք նիկոլի զարգացած տեսակն եք։ Դուք հենց դեմից էլ դրա մասին իմաց եք տալիս»։