«Պարզվում է՝ այնքան էլ լավ փողոցներ չեք փակում». Բաբկեն Թունյան

ՔՊ-ական պատգամավոր Բաբկեն Թունյանը ֆեյսբուքյան իր էջում գրել է. «Ինչ խոսք, շատ հետաքրքիր զգացողություններ ես ունենում, երբ ԱԺ որոշ գործընկերներ մի կողմից փողոցներն են փակում, որ չկարողանաս հասնել աշխատանքի, մասնակցես քննարկումներին ու նիստերին, մյուս կողմից, զանգում են ու հարցնում, թե հարկերին կամ վարկերին վերաբերող այսինչ օրենքը երբ է ընդունվելու: Դե անձամբ իրենց հետաքրքիր է, իրենց էլ է վերաբերում, սպասում են:

Կընդունվի, պարոնա՛յք, սահմանված ժամկետում, ինչպես մնացած բոլոր նախագծերը: Պարզվում է՝ այնքան էլ լավ չեք փակում, բոլոր նիստերին էլ ժամանակին հասնում ենք:

Այնպես որ, կարող եք հանգիստ ձեր գործով զբաղվել՝ «հայրենիքը փրկել»՝ փորձելով կաթվածահար անել Երևանի երթևեկությունը, մշակութային միջոցառումներ կազմակերպելով, դասախոսություններ կարդալով ու լսելով, վիրավորելով մեզ ու ձեր կարծիքը չկիսողներին, 80 տարեկան պապիկներին ծեծելով... Ինչ խոսք, շատ պատասխանատու գործ է: Հո մեզ պես պարապ չե՞ք»: