«Հարց եմ ուզում տալ»․ Վահե Հակոբյան

«Երկու օր առաջ մենք իրար հետ տոնեցինք մեր պապերի 77 տարի առաջ կերտած հաղթանակը: Հաղթանակ, որտեղ հայ ազգը մեծ նվաճում ունի: 300 հազարից ավելի հայորդիներ մասնակցել են Հայրենական պատերազմին, որոնցից կեսը չեն վերադարձել: Հայ ազգը այդ պատերազմին տվել է 6 մարշալ, 60 գեներալ և 103 ԽՍՀՄ հերոս: Մեր պապերը Ստալինգրադում կռվելիս մերկապարում էին մեր այստեղի լինել-չլինելու և գոյության հարցը, որովհետև մենք բոլորս հիշում ենք, թե Թուքրիան ինչպես էր փորձում բացել երկրորդ ճակատը, որպեսզի աջակցեր ֆաշիստական Գերմանիային: Անցան տասնյակ տարիներ, սակայն ոչինչ չփոխվեց Անկարայի քաղաքականության մեջ: Հաշվի առնելով այն սպառնալիքները, որոնք մինչև այսօր գալիս են Թուրքիայի և Ադրբեջանի կողմից, Հայաստանի և Ռուսատանի միջև կնքնվեց ռազմաքաղաքական պայմանագիր, որը գործում է մինչև հիմա: Հիմա հարց եմ ուզում տալ. ի՞նչն է փոխվել․ պայմանագի՞րն է չեղյալ հայտարարվել, միջազգային երաշխիքնե՞րն են վերացել, Ռուսաստանը միակողմանի դո՞ւրս է եկել այդ պայամանագրից, թե՞ մեր կողմն է ուզում դուրս գալ»,-Ֆրանսիայի հրապարակում ընթացող հանրահավաքի ժամանակ ասաց «Հայաստան» խմբակցության անդամ Վահե Հակոբյանը: