«Շատերը փորձում են պառակտել, բայց նման խնդիր չկա». Իշխան Սաղաթելյան

«Տարբեր խոսակցություններ կան, շատերը փորձում են պառակտել, բայց նման խնդիր ընդհանրապես չկա: Ինքը՝ շարժումը, քաղաքական շարժում է, բայց ինքը վերկուսակցական շարժում է: Պառակտում չկա, ընդհակառակը՝ կա լայն համախմբում, որովհետև մենք չենք համախմբվել որևէ անհատի կամ կուսակցության շուրջ, այլ՝ գաղափարի շուրջ»,- Ֆրանսիայի հրապարակում ընթացող մամուլի ասուլիսի ժամանակ ասաց ՀՅԴ ԳՄ ներկայացուցիչ Իշխան Սաղաթելյանը՝ պատասխանելով հարցին, թե իշխանական թևում շրջանառվող խոսակցությունները, որ «Դիմադրություն» շարժման մասնակիցների միջև պառակտում և անհամաձայնություն կա, համապատասխանո՞ւմ է իրականությանը: