Հինգշաբթի, 29 հոկտեմբերի, 2026 թ.
|
Ստեփանակերտում`   +10 °C

ԵՄ-ն չի կարողացել համաձայնության գալ Ռուսաստանի դեմ պատժամիջոցների հերթական փաթեթի շուրջ

ԵՄ-ն չի կարողացել համաձայնության գալ Ռուսաստանի դեմ պատժամիջոցների հերթական փաթեթի շուրջ
1487
Երկուշաբթի, 16 մայիսի, 2022 թ., 23:48

ԵՄ 27 երկրների արտգործնախարարները չեն կարողացել համաձայնության գալ Ռուսաստանի դեմ պատժամիջոցների վեցերորդ փաթեթի շուրջ, հայտնում է ТАСС-ը՝ վկայակոչելով ԵՄ դիվանագիտության ղեկավար Խոսեպ Բորելը։

ԵՄ դիվանագիտության ղեկավարը պարզաբանել է նաև, որ չգիտի, թե որքան ժամանակ կպահանջվի Ռուսաստանի դեմ պատժամիջոցների վեցերորդ փաթեթի շուրջ համաձայնության հասնելու համար։

«Չեմ կարող ասել՝ կպահանջվի ևս մեկ կամ երկու շաբաթ»,- ասաց նա՝ պատասխանելով լրագրողների հարցին։

Հիշեցնենք, այսօր ավելի վաղ Բորելը հայտարարել էր, որ միության երկրների միջև մնում են «լուրջ հակասություններ» ռուսական նավթի մատակարարման արգելք սահմանելու հարցում։ Էմբարգոյի վերաբերյալ Հունգարիայի վետոն հաղթահարել դեռ հնարավոր չէ։