«Գերտերությունները պարզ բառապաշարով հասկացնում են, որ ՀՀ քաղաքացիներս երկու ուղղություն ունենք»․ Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Դատավարություններից մեկի ընթացքում դատավորը, ծանոթանալով գործի նյութերին, ասաց, որ «այսքան պարզ գործ ես չեմ ունեցել»: Կողմերն անմիջապես հասկացան դատաքննության ելքը: Միգուցե դատավորը խախտեց դատավարական նորմերն ու էթիկան, սակայն խնայեց ժամանակը, ինչն ամենաթանկն է աշխարհում:

Այժմ, գերտերություններն իրենց տարածաշրջանային ներկայացուցիչների միջոցով մեզ պարզ բառապաշարով հասկացնում են, որ մենք՝ ՀՀ քաղաքացիներս, երկու ուղղություն ունենք՝ արևմուտք կամ հյուսիս: Շատ պարզ ընտրություն է, որը պետք է լուծվի համաժողովրդական հանրաքվեի միջոցով: Սա է խնդրի լուծման ամենալեգիտիմ տարբերակը: Միայն հանրաքվե, այն էլ՝ շատ հստակ հարցադրմամբ:
Ժամանակը պետք է խնայել: Այն ոչ միայն թանկ է, այլև՝ գործում է մեր դեմ»: