«Հասկանո՞ւմ եք՝ սա վերջն է». Շարմազանով

685

Երկուշաբթի, 23 մայիսի, 2022 թ., 14:24

ՀՀԿ խոսնակ Էդուարդ Շարմազանովը ֆեյսբուքյան իր էջում գրում է. «Էս ո՞ւր հասանք։ Սերժի ժամանակ Ալիևն էր խոսում Արցախի անկախության ճանաչումից, իսկ հիմա նույնիսկ Արցախ կամ Լեռնային Ղարաբաղ եզրույթ չի օգտագործվում ԵՄ-ի կողմից։

Նիկոլն Արցախի անկախության ու ինքնորոշման իրավունքի իրացման գաղափարից Բրյուսելում հրաժարվեց ու փոխարենը համաձայնվեց քննարկել Ադրբեջանի կազմում «Ղարաբաղի շրջանի էթնիկ հայ բնակչության իրավունքների ու անվտանգության» հարցը։

Սա վերջն է, հասկանո՞ւմ եք։

Սա Հայոց Երրորդ Հանրապետության հիմքերի ոչնչացումն է։ Սա Ղարաբաղյան շարժման նպատակի ոչնչացումն է։ Նիկոլին իշխանության հանդուրժելն այլևս հավասարազոր է պետականակործանման։

Ո՞ւր եք հայ սուս հայրենասերներ, «երրորդ ուղու» ջատագովներ ու «անկախ» փորձագետներ։

Համաձայնվել է ձեր Նիկոլն Ալիևի պայմաններին։

Արցախի ինքնորոշման իրավունքի մասին՝ 0 բառ։ Ձեր երեխաներին ու թոռներին ի՞նչ եք ասելու։ Ասելո՞ւ եք՝ Նիկոլը հպարտ-հպարտ եկավ սաղ տվեց, մենք էլ «30 արծաթով» ծափահարո՞ւմ էինք»։

Աղբյուրը` Էդուարդ Շարմազանով