Դատարանը «գյումրեցի պապիկների» գործով մեղադրյալների կալանավորման որոշումը անփոփոխ թողեց

«Հայաստան» խմբակցության պատգամավոր Արամ Վարդևանյանը ֆեյսբուքյան ուղիղ եթերով տեղեկացրել է, որ Շիրակի մարզի ընդհանուր իրավասության դատարանում այսօր տեղի է ունեցել «Դիմադրություն» շարժման երիտասարդների կողմից «պապիկներին» ծեծելու գործով դատական առաջին նիստը:

«Մեր տարեց հարենակիցների ներկայացուցիչը դատական նիստի ընթացքում հայտարարեց, որ որևէ բողոք, պահանջ իրենք չունեն։ Այսինքն՝ մեր հայրենակիցները համարել են, որ դա եղել է մի վիճաբանություն, թյուրիմացություն և դա հարթված է։ Բայց ինչ տեղի ունեցավ. մենք ներկայացրինք անձնական երաշխավորություն մեր 5 ընկերների համար, բայց դատարանը 5–ի վերաբերյալ էլ կանխատեսելիորեն կայացրեց կալանավորումը անփոփոխ թողնելու որոշում»,–ասաց Վարդևանյանը։