«Ընդդիմադիր պատգամավորներից որևէ մեկը հրավիրված չէ միջոցառմանը»․ Մամիջանյան

«Ներսում տեղի է ունենում դատական բարեփոխումներին վերաբերող միջոցառում, որին ներկա են թե՛ միջազգային կառույցների մի շարք ներկայացուցիչներ, թե՛ դատական իշխանության ամենատարբեր օղակների ղեկավար կազմի ներկայացուցիչներ»,- «Մարիոթ» հյուրանոցի մոտ լրագրողների հետ զրույցում հայտարարեց «Պատիվ ունեմ» խմբակցության պատգամավոր Հայկ Մամիջանյանը։

«Հատկանշական է այն փաստը, որ ընդդիմադիր պատգամավորներից որևէ մեկը հրավիրված չէ, և մենք մեր գործընկերների հետ ցանկություն հայտնեցինք մասնակցել և ներկայացնել Հայաստանում դատական իշխանության իրական իրավիճակը, խոսել քաղաքական հայացքների համար բանտարկված անձանցից, որոնց թիվն արդեն տասնյակների է հասնում, խոսել ոստիկանական բռություններից և դրա վերաբերյալ դատական իշխանության լռությունից»,- ասաց պատգամավորը։