Իշխան Սաղաթելյանը՝ վաղվա անելիքների մասին

«Վաղը՝ առավոտյան ժամը 9։00-ին, հավաքվում ենք Ֆրանսիայի հրապարակում։ Երևանում վաղը տեղի է ունենալու ՀԱՊԿ-ի կարևոր միջոցառում․ մեր պահանջներով պետք է գնանք այդ ուղղությամբ, և մեր ձայնը լսելի դարձնենք»,- Ֆրանսիայի հրապարակում՝ ամփոփելով հանրահավաքը, ասաց «Դիմադրություն» շարժման համակարգող, ՀՅԴ ԳՄ ներկայացուցիչ Իշխան Սաղաթելյանը՝ հավելելով, որ Հայաստան ժամանող ցանկացած պատվիրակություն իրենց պահանջների մասին պետք է տեղեկանա։

«Մենք աշխատանքային քննարկումների մեջ ենք՝ շարժմանը նոր թափ հաղորդելու, ավելի արդիականացնելու, ընդլայնելու և մեր պայքարը վերջնական իր հաղթական ավարտին հասցնելու ուղղությամբ»,- եզրափակեց Սաղաթելյանը։