«Երեք անգամ խոսում է Լեռնային Ղարաբաղի մասին, ոչ մի տեղ չի ասում՝ հակամարտություն». Աշոտյան

ՀՀԿ փոխնախագահ Արմեն Աշոտյանը ֆեյսբուքյան եթերում անդրադարձել է ՀՀ վարչապետ Նիկոլ Փաշինյանի՝ «Ալ Ջազիրա»-ին տված հարցազրույցին: «Խոսելով Արցախյան հարցի մասին՝ նա այդպես էլ չի ասել, որ ԼՂ հակամարտությունը լուծված չէ. նրա համար «ԼՂ հակամարտություն» բառակապացություն այլևս գոյություն չունի: Երեք անգամ խոսում է Լեռնային Ղարաբաղի մասին, ոչ մի տեղ չի ասում՝ կոնֆլիկտ, ասում է՝ խնդիր, հիմնախնդիր, հարց, ու չի օգտագործում ԼՂ հակամարտություն (կոնֆլիկտ) բառակապակցությունը՝ այդկերպ շարունակելով թելելով Ալիևի թելը: Նիկոլը միջազգային մամուլում երկրորդում է Ալիևին»,- նշել է Աշոտյանը: