«Նա ոչ էլ ոչնչացրեց քաղաքական դաշտը, այլ պարզապես մերկացրեց այն». Արման Յարալյան

Ռեժիսոր, մուլտիպլիկատոր Արման Յարալյանը ֆեյսբուքյան իր էջում գրել է. «Սերժ Ազատի Սարգսյան, ՀՀ անկախության պատմության մեջ ամենախարիզմատիկ, ամենաստրատեգիական մտածող քաղաքական կերպարը, ցավոք, իրա տաղանդների մեծ մասը երկրի, հանրության դեմ օգտագործեց, բայց նրա պաշտոնավարման տարիները պատճառ դարձան քաղաքացիական գիտակցության ձևավորման համար։

Դեռ թարմ ա մերժման զգացողությունը, դա որ անցնի, հնարավոր կլինի էդ կերպարը գնահատել իր բոլոր կողմերով, առանց էմոցիաների, էն ժամանակները, որում ինքը ձևավորվել ա որպես մարդ, հետո որպես գործիչ, հետո որպես երկու աշխարհների միջև կանգնած կարգավորիչ։

Էս անհատն արժանի ա խորն ուսումնասիրության, անվտանգ միջավայրի, որ սկսի անկեղծանալ, թե ինչի ստեղծեց կրիմինալ բուրգը, ինչի ոչնչացրեց քաղաքական դաշտը, չնայած ոչ էլ ոչնչացրեց, պարզապես մերկացրեց այն ինչ կա, իսկ կրիմինալ բուրգը նա ստացավ իբրև ժառանգություն մարտի մեկի զոհերի գնով ստացած իշխանության։

Եթե ուզում ենք բուժվենք որպես պետություն ու սոցիում, էս մարդուն պետք ա լավ ուսումնասիրենք, ու պահենք թանգարանում: Նիկոլը շատ-շատ բաներում պարտական ա հենց էս մարդուն»։