Իշխանական գործիչների սիրտը հանգիստ է ուզում, բայց նրանք զգուշացվել են. «Ժողովուրդ»

«Ժողովուրդ» օրաթերթը գրում է. «Երեկ ավարտվեց ութերորդ գումարման խորհրդարանի երրորդ նստաշրջանը, սակայն դա ամենևին էլ չի նշանակում, որ խորհրդարանում նիստեր այլևս չեն լինելու։

Իշխանական խմբակցության ներկայացուցիչներին արդեն զգուշացրել են չշտապել երկրից հեռանալու հարցում, չկազմել հանգստի պլաններ, քանի որ հուլիսին ևս դեռ արտահերթ նիստեր կլինեն: Բազմաթիվ հարցեր կան, որոնք կուտակվել են և պետք է քննարկվեն։ Հետաքրքիր է, որ խորհրդարանում արդեն իսկ ճամպրուկային տրամադրություններ են՝ չնայած այդ զգուշացումներին։

Օրինակ՝ երեկ ՔՊ-ականները պասիվ էին բյուջեի նախագծի կատարողականի քննարկման ժամանակ, իսկ կառավարության հետ հարցուպատասխանի համար հերթագրվել էր ընդամենը չորս պատգամավոր։ Իշխանական գործիչների սիրտը հանգիստ է ուզում. շատ են հոգնել ու հյուծվել»:

Մանրամասները՝ թերթի համարում: