Ֆինլանդական Tikkurila-ն հեռանում է Ռուսաստանից

1327

Չորեքշաբթի, 22 հունիսի, 2022 թ., 21:36

Ֆիննական ներկերի և լաքերի արտադրող Tikkurila-ն մամուլի հաղորդագրություն է տարածել Ռուսաստանից հեռանալու մասին։

Զեկույցում ասվում է, որ ընկերությունը հատուկ գործողության մեկնարկից հետո շարունակել է գործել նվազագույն մակարդակով՝ Ռուսաստանում աշխատողների աշխատավարձերը վճարելու նպատակով և չի վաճառել իր արտադրանքը ռուսական պետական ձեռնարկություններին և ավիացիոն արդյունաբերությանը։ Սակայն ընկերությունը չի կարողանում շարունակել կայուն աշխատանքը և որոշել է հեռանալ Ռուսաստանից։

2022 թվականին Ռուսաստանում ստացված շահույթը ընկերությունը կփոխանցի բարեգործական կազմակերպություններին։

Ռուսաստանում ընկերությունն ուներ երեք արտադրամաս, երեք ուսումնական կենտրոն, տասը պահեստ, ինչպես նաև լոգիստիկ կենտրոններ։ Մոտ հազար մարդ աշխատել է ընկերության կառույցներում միայն Ռուսաստանում։