«Տրամաբանական կլինի, որ Թուրքիայի հետ պայմանավորվածությունները իրագործվեն այս ամառվա ընթացքում»․ Ռուբինյան

«Հայ-թուրքական հարաբերությունների կարգավորման գործընթացի մեկնարկից ի վեր առաջին անգամ ունենք հստակ պայմանավորվածություններ, արդյունքի մասին պայմանավորվածություններ»,- այս մասին Հանրայինի եթերում ասել է Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը։

«Պայմանավորվածություններից մեկն է՝ ամենասեղմ ժամկետներում հնարավոր դարձնել երրորդ երկրների քաղաքացիների շարժը Թուրքիայից Հայաստան և Հայաստանից Թուրքիա։ Դա բոլոր երկրների քաղաքացիները, բացի Հայաստանի և Թուրքիայի քաղաքացիներից։ Կան բազմաթիվ տեխնիկական հարցեր, հիմա կայացրել ենք քաղաքական որոշում, տեխնիկական դետալները դեռ պետք է աշխատանքային կարգով համաձայնեցվեն՝ հատման վայրը, ռեժիմը և այլն։ Շատ կարևոր է, որ ժամկետը լինի իրոք սեղմ։ Տրամաբանական կլինի, որ այս պայմանավորվածությունները իրագործվեն այս ամառվա ընթացքում»։

Մանրամասները՝ տեսանյությում։