ԱԺ-ում Կարեն Սարուխանյանը կփոխարինի Արթուր Դավթյանին

Շիրակի նախկին մարզպետ Կարեն Սարուխանյանը Ազգային Ժողովում կփոխարինի ՔՊ խմբակցության պատգամավոր Արթուր Դավթյանին, ով նշանակվել է Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավոր և վայր դրել մանդատը։

«Արմենպրես»-ի հետ զրույցում Կարեն Սարուխանյանը հաստատել է, որ կվերցնի մանդատը: «Կաշխատեմ հիմնականում մեր՝ Շիրակի մարզի ու մարզի բնակիչների համար ու կփորձեմ բոլորին հնարավորինս օգտակար լինել»,-հավելել է նա:

Կարեն Սարուխանյանը պատգամավորական մանդատը վերցնելու վերաբերյալ լուսանկար է հրապարակել ֆեյսբուքյան իր էջում՝ կից գրությամբ․ «Ծառայում եմ Հայաստանի Հանրապետությանը»։