«Իսկ Ադրբեջանը համաձա՞յն է, որ իր քաղաքացիները Թուրքիա մեկնեն-վերադառնան Հայաստանի տարածքով»․ Աթանեսյան

Քաղաքական վերլուծաբան Վահրամ Աթանեսյանի գրառումը․ «Նախ՝ փորձագիտական, ապա քաղաքական որոշակի շրջանակներից «հայտնագործություն արվեց»․ երրորդ երկրների քաղաքացիների համար «հայ-թուրքական սահմանը բացում են, որպեսզի ադրբեջանցիները Հայաստանով Թուրքիա գնան-գան, թուրքերը՝ Ադրբեջան, Հայաստանը վերածվում է միջանցքի»։ Նախ, Հայաստանը և Ադրբեջանը ճանաչված սահման չունեն։ Երկրորդ, իսկ Ադրբեջանը համաձա՞յն է, որ իր քաղաքացիները Թուրքիա մեկնեն-վերադառնան Հայաստանի տարածքով։ Չէ՞ որ նույն շրջանակները նաև Ալիևի անունից ասում են, որ Ադրբեջանը «սուվերեն միջանցք է ուզում, չստանալու դեպքում՝ սպառնում նվաճել պատերազմով»։ Իսկ Հայաստանի տարածքով Թուրքիա մեկնել-վերադառնալը ենթադրում է սահմանային, մաքսային որոշակի ընթացակարգեր։ Իսկ գուցե դա բոլորովին ա՞յլ երրորդ երկրի է ձեռնտու։ Բայց այդ մասին ոչ ոք չի խոսում։ Կամ ձեռնտու չէ, կամ անվտանգ չէ՞»։