«Ընդդիմադիր պատգամավորների մանդատից զրկելու վերաբերյալ ՍԴ միջնորդությամբ չենք դիմելու»․ Ռուբինյան

Այսօր նախատեսված էր ԱԺ խորհրդի արտահերթ նիստ, որի օրակարգում էր ԱԺ ընդդիմադիր պատգամավորների լիազորությունները դադարեցնելու հարցով Սահմանադրական դատարան դիմելու մասին հարցը։

«Այս խորհրդով քննարկումը համարվում է բացված, բայց քանի որ այն պատգամավորները, ում վերաբերում է քննարկումը, չէին ներկայացել, ըստ կանոնակարգի, քննարկումը տեղի կունենա մեկ շաբաթ հետո»,- քիչ առաջ՝ լրագրողների հետ ճեպազրույցում, ասաց ԱԺ նախագահի տեղակալ Ռուբեն Ռուբինյանը։

«Ինչ վերաբերում է «Քաղաքացիական պայմանագիր» խմբակցության որոշմանը, նշյալ պատգամավորների մանդատից զրկելու վերաբերյալ ՍԴ միջնորդությամբ չենք դիմելու»,- հայտարարեց Ռուբինյանը։

«Մի քանի պատճառներ կան․ նախ ֆիքսենք, որ վերջերս մի քանի ընդդիմադիր պատգամավորների ԱԺ-ում զբաղեցրած պաշտոններից հեռացնելով ՝ ԱԺ որոշ հանձնաժողովների և ընդհանրապես ԱԺ աշխատանքների կազմակերպման խնդիրը կարելի է համարել լուծված, մեր քաղաքական հավատամնմքի մեջ է մտնում նաև հարգանքը առ ժողովրդի քվեն»,- հավելեց նա։