«Արդյունքը նույնն է` դեգրադացվում է հասարակությունը և թշնամին հաղթում է»․ քաղաքագետ

Քաղաքագետ Արա Պողոսյանի գրառումը. «Երբ երկար տարիներ տարբեր հեռուստաալիքներ շրիշակից ցածր մակարդակի, հեռուստահաղորդումներ ու սերիալներ էին ցուցադրում, երբ ծաղրվում էր ազգայինը՝ այդ թվում նաև հրապարակայնորեն, թերևս ոչ ոք չէր հիշում կամ չէր խոսում այն մասին, որ դրանք հետադարձ էֆեկտ են ունենալու և հասարակությունը մի օր վերադարձնելու է այն, ինչ ցանվել է...
Հիմա ժամանակն է վերադարձնելու ու ցավալին այն է, որ այդ օրերի պատասխանատուները հիմա էլ մեղքը բարդում են այն նույն ժողովրդի վրա, որին հենց իրենք դարձրին մտավոր՝ ինֆանտիլ զանգված։
Ուղղակի այս մարդիկ կամ իմբեցիլ են, կամ ցինիկ, կամ որ ավելի վատ է՝ դավաճան։ Բոլոր դեպքերում արդյունքը նույնն է՝ դեգրադացվում է հասարակությունը և թշնամին հաղթում է...
Ահա՛ և վերջ՝ թշնամին ամրոցից ներս է, բանակը բարոյալքված, հասարակությունը դեգրադացված, պարիսպները խորտակված...
Դե ե՛կ ու կռիվ տուր...»։