Կիրակի, 01 փետրվարի, 2026 թ.
|
Ստեփանակերտում`   +12 °C

Ոսկու էմբարգո և անձնական սահմանափակումներ. հակառուսական պատժամիջոցների 7-րդ փաթեթը

Ոսկու էմբարգո և անձնական սահմանափակումներ. հակառուսական պատժամիջոցների 7-րդ փաթեթը
1619
Երեքշաբթի, 19 հուլիսի, 2022 թ., 18:54

Հակառուսական պատժամիջոցների նոր փաթեթ՝ ոսկի, Սոբյանին, Բեզրուկով...
Եվրոմիության արտգործնախարարների խորհուրդը համաձայնեցրել է Ռուսաստանի դեմ պատժամիջոցների յոթերորդ փաթեթը։ Ինչպես հաղորդում է Reuters-ը, Ռուսաստանին սպասում է ոսկու էմբարգո, իսկ ՌԴ նախագահ Վլադիմիր Պուտինի կողմնակիցներին՝ անձնական պատժամիջոցներ։

Գործակալության տվյալներով՝ Սբերբանկի նկատմամբ պատժամիջոցները կընդլայնվեն, ռուսական ոսկու նկատմամբ էմբարգո կսահմանվի, երկակի նշանակության ապրանքների ցանկը կընդլայնվի։

Նախատեսվում է ընդլայնել անձնական պատժամիջոցները։ Եվրոմիության «սև ցուցակում» կընդգրկվեն Ռուսաստանի առաջին փոխվարչապետ Անդրեյ Բելոուսովը՝ պատժամիջոցների տակ գտնվող բանկերին սատարելու՝ օլիգարխներին ուղղված կոչի համար, Մոսկվայի քաղաքապետ Սերգեյ Սոբյանինը՝ Ռուսաստանի Դաշնության նախագահի հետ մտերմության համար։ Պատժամիջոցների ցանկում են նաև «Ռոստեկ»-ի ղեկավար Սերգեյ Չեմեզովը և «Ուրալի լեռնամետալուրգիական ընկերության» (UMMC) գործադիր տնօրեն Անդրեյ Կոզիցինը: Անձնական պատժամիջոցներ կկիրառվեն «Գիշերային գայլեր» հեծանվային ակումբի ղեկավարների և երկու ժողովրդական արտիստների՝ Սերգեյ Բեզրուկովի և Վլադիմիր Մաշկովի նկատմամբ՝ Ուկրաինայի պատերազմին աջակցելու համար։

Ընդհանուր առմամբ, ցուցակում կներառվեն ութ իրավաբանական և 47 ֆիզիկական անձինք, հիմնականում զինվորականներ և քաղաքական գործիչներ, ինչպես նաև Ուկրաինայում Ռուսաստանին աջակցող անձինք։ Աղբյուրի փոխանցմամբ՝ պատժամիջոցների նոր փաթեթը կարող է հաստատվել արդեն չորեքշաբթի։