«Ով շտաբի սուրհանդակի պաշտոնից բարձր տեղ է նստում` կտրուկ մեջը «ժողովրդի հայր» է զարթնում»․ Մ․ Նահապետյան

«Քաղաքացու որոշում» ՍԴԿ անդամ Միքայել Նահապետյանի գրառումը. «Ասում-խոսում-ծիծաղում ենք, բայց էս երկիրը կոմպլեքսավորված տղերքի չբավարարված ամբիցիաների ձեռքն ա կրակն ընկել։
Ով շտաբի սուրհանդակի պաշտոնից մի քիչ բարձր մի տեղ նստում ա՝ կտրուկ մեջը «ժողովրդի հայր» ա զարթնում։
Թե բա «ես համոզված եմ որ քաղաքը պիտի շուտ արթնանա»։ Համոզված ես՝ շուտ արթնացի։ Դու ո՞վ ես, որ բարմենին, գիշերը Ամերիկայի բորսայում գործ անողին, բենզալցակայանի աշխատողին, բառադիին ու գիշերը աստղերին նայելու համար տուն չգնացած ջահելին ասես՝ երբ պիտի զարթնեն։ Էդ մարդիկ քյաշ փողով առել են քո աթոռը, քեզ էլ նստացրել վրեն, որ գլուխդ կախ ապահովես, որ իրանց շքամուտքից դուրս գալուց իդեալական մաքուր լինի։ Էդ մարդկանց կես դրույք պապա պետք չի՝ իրանք ունեն իրանց մեկ լիաժեք հայրը, կամ գուցե չունեն ու չեն էլ ուզում ունենան։

Գնացեք ձեր երեխեքին լավ պապա էղեք։ Թե չէ «Հայաստանն իմ օջախն է, ժողովուրդն իմ ընտանիքը», «նոր տարուն լոդրի պես տունը մի նստեք՝ գնացեք գործի», «մենք ստեղ ձեր համար մեծ արձան ենք դնում, որ աստվածավախ մեծանաք»»։