«Նիկոլը ոչ ոքի չի մերժում, ասում է՝ այո՛, կանեմ․ ընդամենը մի պահանջ է դնում»․ Աղասի Ենոքյան

«Նիկոլի արտաքին քաղաքականություն վարելու մեջ երկու հետաքրքիր առանձնահատկություն կա»,- 168․am-ի «Օրախնդիր» հաղորդման եթերում ասել է քաղաքագետ Աղասի Ենոքյանը։

«Առաջին առանձնահատկությունն այն է որ նա երբեք ոչ ոքի չի մերժում։ Ով իրեն առաջարկով դիմում է, ասում է՝ այո՛, կանեմ։ Բնականաբար խաբում է ոմանց, նրանք տեսնում են, որ խաբում է, գիտեն Նիկոլի բնավորության այդ գիծը»,- նշել է քաղաքագետը։

«Իսկ ինչո՞ւ են նրա հետ գործում, ինչո՞ւ է Նիկոլը հարմար գործընկեր թե՛ Արևմուտքի, թե՛ Ռուսաստանի, թե՛ Թուրքիայի համար, որովհետև, ի տարբերություն այլ քաղաքական գործիչների, Նիկոլը իր չմերժելու դեպում որևէ քաղաքական պահանջ չի դնում։ Ընդամենը մի պահանջ է դնում իր պարտնյորների առաջ՝ իր անվտանգության խնդիրը, որը բնականաբար իր իշխանության խնդիրն է, որովհետև եթե նա զրկվեց իշխանությունից իր անվտանգությունը հարցականի տակ կհայտնվի»,- նկատել է Ենոքյանը։