«Նիկոլ Փաշինյանն ու Իլհամ Ալիևը հնարավոր է հանդիպեն». Աղաջանյան

«Նիկոլ Փաշինյանն ու Իլհամ Ալիևը հնարավոր է հանդիպեն»,- այս մասին այսօր ԱԺ-ում տեղի ունեցած մամուլի ասուլիս ժամանակ հայտնել է ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը՝ ասելով, որ հստակ ժամկետ չի կարող նշել. «Վերջին շրջանում բավականին ակտիվ գործունեություն է իրականացվում դիվանագիտական հատվածում, հանդիպումները բավականին հաճախ են ու տարբեր ձևաչափերով: Այո՛, որքանով տեղյակ եմ՝ կան բանակցություններ, որ որոշ ժամանակ անց պետք է հանդիպում տեղի ունենա Հայաստանի ու Ադրբեջանի ղեկավարների միջև»,- ասել է նա։