«ԱՄՆ-ն ուսումնասիրում է Բորելի առաջարկը». Հակոբ Բադալյան

Քաղաքական մեկնաբան Հակոբ Բադալյանի գրառումը. «ԵՄ արտաքին հարցերի և անվտանգության հանձնակատար Բորելը հայտարարել է, որ արել է Իրանի միջուկային ծրագրի շուրջ գործարքը վերականգնելու նոր առաջարկներ, միաժամանակ նշելով, որ այլևս չկա լրացուցիչ փոխզիջման հնարավորություն: Իրանի ներկայացուցիչը հաստատել է այդ առաջարկների հանգամանքը՝ ասելով, որ Իրանն էլ ունի գաղափարներ: ԱՄՆ-ն դեռևս չի տվել իր արձագանքը և ուսումնասիրում է Բորելի առաջարկը:

Այդ ընթացքում, հայ ժողովրդի «միտքն ու հոգին» նվաճած Իրանի հոգևոր առաջնորդ Ալի Խամենեիի խորհրդական Ալի Աքբար Վիլայաթին իրանական մամուլում տալիս է բավականին ուշագրավ հարցազրույց, որը թերևս բացում է իրանական մոտեցումների որոշ փակագծեր, ցույց տալով, որ խաղադրույքը և գինը բարձրացնում են թե՛ Իրանի հանդեպ, թե՛ Իրանը»: