«Էկրաններին մեկը մյուսի հետևից հայտնվում են երկիրս հիմնահատակ քանդողների դեմքերը». Զոյա Թադևոսյան

Տնտեսագետ, ՀԱԿ վարչության անդամ Զոյա Թադևոսյանը Ֆեյսբուքի իր էջում գրել է. «Փողոցայինների կարգախոսն է՝ «միություն, պայքար, հաղթանակ»:

Երթ են անում: Էկրաններին մեկը մյուսի հետևից հայտնվում են երկիրս հիմնահատակ քանդողների դեմքերը: Բոլորը հայտնի թալանչիներ են, գողեր, կեղծարարներ, խաղամոլներ, թմրամոլներ, կոռումպացված են ու այլասերված, անօրեն ու անամոթ, անպատկառ ու օտար:

Միությունն ո՞ւմ հետ, ո՞վ իրեն թույլ կտա կանգնել ձեզպեսների կողքին: Խելագա՞ր եք, թե՞ ժողովրդին կասկածում եք հիշողության կորստի մեջ:

Չնայած մեծարժեք կարողության կորստի սպառնալիքից խելագարվելու հավանականությունը շա՜տ մեծ է:

Պայքարի հետ գործ չունեք, քանի որ ձեր դեմ ժողովրդի պայքարի արդյունքում շռնդալից պարտություն եք կրել:

Վերջնական, անբեկանելի պարտություն:

Հաղթանակ տարել է ժողովուրդը, դարձյալ ձեր դեմ միավորված պայքարի արդյունքում:

Հիմա ձեր ուզածն ի՞նչ է: Ավազակախմբով միություն, պայքար, հաղթանակ եք բղավում: Որտե՞ղ եք տեսել, որ խուժանին ժողովուրդը բերի իշխանության:

Փոխե՛ք ձեր կարգախոսը. եկանք, տապալվեցինք, չքվեցինք: Ա՛յ, դա կհասկացվի»: