Ուրբաթ, 29 մարտի, 2024 թ.
|
Ստեփանակերտում`   +14 °C

Հրդեհ` Հայաստանի ազգային ագրարային համալսարանում

Հրդեհ` Հայաստանի ազգային ագրարային համալսարանում
422
Երկուշաբթի, 15 օգոստոսի, 2022 թ., 21:42

Այսօր՝ օգոստոսի 15-ին, հրդեհ է տեղի ունեցել Երևանում: Ժամը 14:30–ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Տերյան փողոցի թիվ 77 հասցեում գտնվող Հայաստանի ազգային ագրարային համալսարանի 2-րդ հարկի սենյակներից մեկում հրդեհ է բռնկվել:

Ֆոտոլրագրող Գագիկ Շամշյանի հաղորդմամբ՝ դեպքի վայր են ժամանել ԱԻՆ ՓԾ Երևանի թիվ 8, թիվ 3 թիվ 1, թիվ 11 հրշեջ-փրկարարական ջոկատներից 1-ական մարտական հաշվարկ: Հայտարարվել է «ԲԻՍ 1» կանչ:

Մինչ հրշեջների ժամանումը, գյուղինստիտուտի աշխատակիցները սեփական ուժերով կանխել են կրակի տարածումը ու արդեն ժամանած հրշեջները մարել են կրակը:
Ըստ նախնական տեղեկությունների՝ բարեբախտաբար, տուժածներ չկան: Այրվել են ագրարային համալսարանի սերվերային սենյակի համակարգիչները և այլ իրեր: Թե ինչն է եղել հրդեհի պատճառը, պարզվում է: