«Սրանք գիտեն՝ կարելի է հին վարկաբեկվածին լողացնել, ու ամեն ինչ կմոռացվի»․ Վահե Գևորգյան

Երևանի ավագանու անդամ Վահե Գևորգյանը ֆեյսբուքյան իր էջում գրել է. «Առաջինը փուռը տվեցին Վազգեն Մանուկյանին, հետո Իշխանին, հիմա նոր թեկնածու են ստացել, հետո էլի մեկին կպեղեն։ Սրանք գիտեն՝ կարելի ա հին վարկաբեկվածին լողացնել, ու ամեն ինչ կմոռացվի, կամ օդից մեկին բերել, թաքնվել մեջքի հետևում, որ իրենց վարկաբեկված երեսները չերևա ու PR տեխնոլոգիաներ կիրառելով՝ մի շաբաթում հայտնի դարձնել, հետո տնկել բեմի վրա, որ իշխանափոխություն լինի։ Նման տեխնոլոգիաները թիթեռի կյանք ունեն, անցյալ երկու փորձերը Ձեզ օրինակ։ Անհնար ա միայն դիմացինին փնովելով սեփական անձի վարկանիշը բարձրացնել, կամ դիմացինի արարքները քննադատելով ու բառիս բուն իմաստով, բացի դատարկ պաթոսից, ժողովրդի հուզական լարերի վրա խաղալուց, ապացուցված ալտերնատիվ չունենալով երկար լսելի մնալ։ Դիմացինը, որ տեղով սատանա էլ դառնա, դրանից անուղեղի ուղեղը ոչ մի գրամով չի ավելանալու։ Էլի սկսելու են հողերը տվեցինով, ու ավարտեն, որ իրանք էլ չեն կարա ոչ մի պայմանագիր չեղարկեն։ Նման տեխնոլոգիաների կյանքը մինչև մի քանի կոնկրետ հարցադրումներն են։

Ուղղակի վատն էն ա, որ չեն թողնում դաշտը մի որոշ ժամանակ դատարկ մնա, անընդհատ բերում աղբով լցնում են»։