«Վերջին տարբերակը՝ վարչապետի պաշտոնանկություն Ազգային ժողովի կողմից». Էդգար Ղազարյան

«Եթե ՀՀ գլխավոր դատախազ Արթուր Դավթյանը չի հեռացնում վարչապետի աթոռը զավթած Նիկոլ Փաշինյանին, մնում է մեկ տարբերակ՝ պաշտոնանկություն Ազգային ժողովի կողմից: Այդ իրավունքը ԱԺ պատգամավորների մեկ երրորդն ստացել է 2022 թվականի օգոստոսի 2-ից, երբ լրացել է նրա վարչապետ ընտրվելու մեկ տարին: Այդ իրավունքը պատկանում է ԱԺ բոլոր պատգամավորներին՝ ոչ միայն ընդդիմադիր, այլև բոլոր պատգամավորներին: Ես կարծում եմ, որ շատ կարճ ժամանակ է նրանց անհրաժեշտ այդ որոշումը կայացնելու և այդ գործընթացը մեկնարկելու համար: Սահմանադրական պահանջով այդ նախաձեռնության դեպքում նախաձեռնության հեղինակները պետք է առաջադրեն նաև վարչապետի թեկնածու: Այդ իրավունքը պատկանում է ԱԺ-ի բոլոր պատգամավորներին: Ես չեմ կարող ասել, թե իրենք ում պետք է առաջադրեն, իրենք պետք է առաջադրեն ու սկսեն գործընթաց»,- հայտարարեց Էդգար Ղազարյանը: