Հինգշաբթի, 28 մարտի, 2024 թ.
|
Ստեփանակերտում`   +12 °C

Բայդենը հայտարարել է Ուկրաինային հատկացվող օգնության ամենամեծ փաթեթի մասին

Բայդենը հայտարարել է Ուկրաինային հատկացվող օգնության ամենամեծ փաթեթի մասին
898
Չորեքշաբթի, 24 օգոստոսի, 2022 թ., 18:14

ԱՄՆ նախագահ Ջո Բայդենը հայտարարել է Ուկրաինային անվտանգության ապահովման համար շուրջ 3 միլիարդ դոլարի օգնության փաթեթի մասին։ Այս մասին օգոստոսի 24-ին հայտնել է Սպիտակ տան մամուլի ծառայությունը։

«Վերջին վեց ամիսների ընթացքում ուկրաինացիները ոգեշնչել են աշխարհին իրենց արտասովոր քաջությամբ և ազատությանը նվիրվածությամբ: Նրանք վճռական և ուժեղ էին ռուսական լայնածավալ ներխուժման դիմաց»,- ասել է ամերիկացի առաջնորդը:

Բայդենը վստահեցրել է, որ Վաշինգթոնը հանձնառու է աջակցելու Ուկրաինայի ժողովրդին, որը շարունակում է պայքարել իր ինքնիշխանությունը պաշտպանելու համար։ «Ես հպարտ եմ հայտարարելու մինչ օրս անվտանգության աջակցության մեր ամենամեծ տրանշի մասին՝ մոտավորապես 2,98 միլիարդ դոլարի սպառազինություն և տեխնիկա, որը կտրամադրվի Ուկրաինայի անվտանգության աջակցության նախաձեռնության միջոցով», - ասել է Բայդենը:

Նրա խոսքով՝ ֆինանսավորումը թույլ կտա Ուկրաինային ձեռք բերել հակաօդային պաշտպանության համակարգեր, հրետանային համակարգեր և զինամթերք, հակահրթիռային անօդաչու թռչող սարքեր և ռադարներ «երկարաժամկետ պաշտպանության համար»։