ԵՄ յոթ երկրների խորհրդարանները կոչ են արել նոր պատժամիջոցներ սահմանել Ռուսաստանի դեմ

ԵՄ անդամ յոթ երկրների խորհրդարանների արտաքին հարաբերությունների հանձնաժողովները համատեղ հայտարարություն են տարածել՝ կոչ անելով նոր պատժամիջոցներ սահմանել Ռուսաստանի դեմ, այս մասին հայտնում է Европейская правда-ն: Հանձնաժողովների ղեկավարները թվել են Ռուսաստանի գործողությունների անընդունելիության մասին վկայող բոլոր փաստարկները:

Ի թիվս այլ սահմանափակումների, նրանք կոչ են արել ԵՄ անդամ երկրներին անհապաղ դադարեցնել Ռուսաստանի քաղաքացիների համար զբոսաշրջային ​​վիզաների տրամադրումը։ Նրանք կոչ են արել նաև ընդլայնել Ուկրաինային տրամադրվող ռազմական, ֆինանսական, հումանիտար աջակցությունը: