«Կա երեք կարևոր սկզբունքային պահանջ»․ Իշխան Սաղաթելյան

«Կա երեք կարևոր սկզբունքային պահանջ, որը պետք է ապահովվի։ Առաջինը՝ պետք է բացառվի որևէ հուշում, որով Արցախը կհայտնվի Ադրբեջանի կազմում։ Երկորդը՝ պետք է բացառվի Արցախի անկլավային վիճակը, այսինքն Արցախի և Հայաստանի միջև պետք է լինի կայուն և հուսալի ցամաքային կապ։ Երրորդը՝ պետք է բացառվի Արցախի ապառազմականացումը, այսինքն՝ Հայաստանի Հանրապետությունն իր զինված ուժերով պետք է ապահովի կայուն անվտանգային համակարգ»,-այսօր Ազատության հրապարակում ընթացող հանրահավաքի ժամանակ հայտարարեց «Դիմադրություն» շարժման համակարգող, Ազգային ժողովի պատգամավոր Իշխան Սաղաթելյանը։

Նա նշեց, որ այդ երեք կետերից որևէ մեկի չկատարման դեպքում Արցախին սպառնում է հայաթափման վտանգը։