Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Քաղաքականություն է վերադառնում մեկը, ով հրապարակայնորեն խուսափում էր քաղաքականությամբ զբաղվել». Բաբաջանյան

«Քաղաքականություն է վերադառնում մեկը, ով հրապարակայնորեն խուսափում էր քաղաքականությամբ զբաղվել». Բաբաջանյան
350
Կիրակի, 04 սեպտեմբերի, 2022 թ., 15:48

ՀՀ ԱԺ նախկին պատգամավոր Արման Բաբաջանյանը գրում է. «Քաղաքականություն է վերադառնում մեկը, ով համառորեն, հրապարակայնորեն խուսափում էր քաղաքականությամբ զբաղվել, երբ Հայաստանում զբաղեցնում էր վարչապետի պաշտոնը։
Ինչո՞ւ էր Կարեն Կարապետյանը համառորեն խուսափում քաղաքականությամբ զբաղվել, մի պարագայում, երբ ուներ դրա համար շատ լավ մեկնարկային դիրքավորում:
Թե՞ դա չէր ուզում Մոսկվան, որի տարածաշրջանային ծրագրերը նախատեսում էին արցախյան հարցում լավրովյան պլանով զարգացումները չթողնել գործչի վրա, որն ունենալու էր Մոսկվայի հետ անբեկանելի ասոցիացիա և անխոցելիության աստիճանի լոյալություն, ռուսականություն:
Հասկանալի է, որ Արցախի հարցում ռուսական վերնախավի և նրանց հայաստանյան հարճերի ծրագրերը ենթադրում էին Հայաստանի իշխանության գլխին մեկին, որի կամ ծայրահեղ ոչ լեգիտիմությունը, կամ էլ «հեղափոխականությունը» կդառնար Հայաստանի համար որևէ ծանր հետևանքի դուրսգրման անխոցելի հանգամանք»:

Աղբյուրը`   Արման Բաբաջանյան