Ուրբաթ, 02 հունվարի, 2026 թ.
|
Ստեփանակերտում`   -1 °C

«Արևմուտքը կոչերից այն կողմ երբեք ոչ մի առարկայական արդյունք մեզ համար չի արել». Արթուր Թովմասյան

«Արևմուտքը կոչերից այն կողմ երբեք ոչ մի առարկայական արդյունք մեզ համար չի արել». Արթուր Թովմասյան
269
Ուրբաթ, 07 հոկտեմբերի, 2022 թ., 00:30

Հասարակական-քաղաքական գործիչ Արթուր Թովմասյանի գրառումը. «Վերջին օրերին Հայաստանում կտրուկ ակտիվացել են հակառուսական և պրոամերիկյան հայտարարությունները։ Այդ սրացումը տեղի ունեցավ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի այցից և վերջին օրերին ԱՄՆ-ի կողմից Ադրբեջանին «կոշտ» քննադատություններից և կոչերից հետո: Թեման լայնորեն շրջանառում են արևմտյան կողմնորոշում ունեցող և այդ շրջանակներից սնվող կազմակերպությունները և անհատները, նաև իշխանության, այսպես կոչված, արևմտյան թևը, վերջինիս ամենահայտնի ԱԽ քարտուղար Արմեն Գրիգորյանի ակտիվ և բաց տեքստով քարոզն էր:
Արևմուտքը, բացի սրտաճմլիկ հայտարարություններից և կոչերից այն կողմ, երբեք ոչ մի գործնական կամ առարկայական արդյունք մեզ համար չի արել (բացի 17 ռազմագերիների վերադարձից), դա էլ լավ փաթեթավորված կուտ էր: Իսկ այն մարդիկ, ովքեր հույս են դնում այդ հայտարարությունների կամ ամպագոռգոռ կոչերի վրա, մեղմ ասած միամիտ են, կամ լավ չեն տիրապետում Հայոց պատմությանը:
Աշխարհ, աշխարհ, վայ փուչ աշխարհ։ Աշխարհը միայն խոսում է, նեղսրտում, ափսոսում,գազազում, վայրահաչում ու բոլորը՝ սուտ»:

Աղբյուրը`   Արթուր Թովմասյան