«Հաղորդակցությունների ապաշրջափակման մասին առաջարկը վերահաստատել եմ․ Ադրբեջանը դրական չի պատասխանել». Փաշինյան

ՀՀ վարչապետ Նիկոլ Փաշինյանը քառակողմ հանդիպումից հետո գրառում է կատարել «Թվիթեր»-ի իր էջում.

«Պրահայում ես ևս մեկ անգամ հաստատեցի մեր առաջարկը բոլոր տարածաշրջանային հաղորդակցությունների ապաշրջափակման մասին։

Ադրբեջանը կրկին դրական չի պատասխանել։ Կրկնում եմ ՝ Հայաստանը պատրաստ է բոլոր տարածաշրջանային հաղորդակցությունների ապաշրջափակմանը՝ մեր ինքնիշխանությունն ու օրենսդրությունը լիովին հարգելով»։