«Ուղիղ 2 տարի առաջ հանդիպեցի Նիկոլ Փաշինյանին». Էդուարդ Շարմազանով

208

Չորեքշաբթի, 12 հոկտեմբերի, 2022 թ., 10:36

ՀՀԿ խոսնակ Էդուարդ Շարմազանովն իր էջում գրել է. «ԵՄ ու Արևմուտքի առաքելության վրա հույս դնողներ, Արևմուտքը ճար ունենա, ԵՄ անդամ Կիպրոսի տարածքի 38 տոկոսը կազատի թուրքերից։ 1974-ից Կիպրոսի մի մասն օկուպացրել են թուրքերը, իսկ ԵՄ-ն ու Արևմուտքը բան էլ չեն կարողանում անել։ Նենց որ, իզուր սին հույսեր մի փայփայեք։ Սա մեծ բլեֆ է։

Հ.Գ. Ուղիղ 2 տարի առաջ՝ պատերազմի թեժ պահին, հանդիպեցի Նիկոլ Փաշինյանին։ Ասեց՝ վիճակը վատ է։

Ասեցի՝ ո՞վ կարող է կանգնեցնել պատերազմը։

Ասեց՝ ԱՄՆ-ն խառն է ընտրություններով, Ֆրանսիայի ազդեցությունը Թուրքիայի վրա ազդելու բավարար չէ, կարծում եմ՝ ՌԴ-ն։ Ասեցի՝ դե գնա ու խնդրի մեր դաշնակցին կանգնեցնի պատերազմը։ Չարեց։

Հոկտեմբերի 19-ին էլ չլսեց Պուտինի առաջարկն ու չդադարեցրեց պատերազմը՝ տալով Հադրութը, Շուշին ու հազարավոր նոր զոհեր։ ՆԱՏՕ-ն, ԵՄ-ն ու Արևմուտքը ո՛չ 2020-ին են կարողացել մեզ օգնեն, ո՛չ էլ հիմա են օգնելու։ Արևմուտքի նպատակն է Նիկոլի ձեռքերով ռուսներին հանել տարածաշրջանից, բայց երկուսն էլ աչքիս «թարս կապույտ» են լինելու։ Ռուսաստանի մեջքի հետևում «խաղեր տալը» մեր պետական շահերից չի բխում։ Հասկացեք վերջապես։ Հետո գնացքը գնալու է, ուշ է լինելու»։

Աղբյուրը` Էդուարդ Շարմազանով