Երկուշաբթի, 23 փետրվարի, 2026 թ.
|
Ստեփանակերտում`   +9 °C

«1991-ին Ադրբեջանը Ալմաթիի հռչակագիրը ընդունել էր, բա խի՞ հարձակվեց». Էդուարդ Շարմազանով

«1991-ին Ադրբեջանը Ալմաթիի հռչակագիրը ընդունել էր, բա խի՞ հարձակվեց». Էդուարդ Շարմազանով
241
Չորեքշաբթի, 12 հոկտեմբերի, 2022 թ., 16:30

ՀՀԿ խոսնակ Էդուարդ Շարմազանովը 24TV-ին տված հարցազրույցի ընթացքում ասել է, որ այսօր բանակցություններում հաջողություններ չկան և անդրադարձել ՀՀ-ի և Ադրբեջանի՝ միմյանց տարածքային ամբողջականությունները ճանաչելու հարցին․ «Ադրբեջանը ՄԱԿ-ով և ԱՊՀ-ով էլ է ճանաչել ՀՀ անկախությունը, հետո՞, դա Ադրբեջաին թույլ չի՞ տվել հարձակվել Արցախի և ՀՀ վրա, 1991-ին Ադրբեջանը Ալմաթիի հռչակագիրը ընդունել էր, բա խի՞ հարձակվեց, բա ինչի՞ է ՄԱԿ-ի ընդունած սահմանները մտել, այսինքն՝ այդ հռչակագիրը պիտի Ալիևին ու Էրդողանին զսպի՞, կամ մի քանի հոգի ԵՄ դիտորդնե՞րը... ձե՞ռք եք առնում, լո՞ւրջ եք ասում»։

Շարմազանովը նաև վերհիշել է․ «2021 թվականի պառլամենտական ընտրություններին ի՞նչ թեզերով եկավ Փաշինյանը․ Շուշին ու Հադրութը դեօկուպացիայի թեզերով, ինքնորոշման իրավունք, կարգավիճակ, ու դա պատերազմից հետո, իսկ հիմա ասում են՝ «պատերազմից հետո հնարավորություն չկա, որպեսզի մենք լինենք Արցախի անվտանգության երաշխավորը», բա պատերազմից յոթ ամիս անց հնարավորություն կա՞ր։ Ձեր Կառավարության ու ՔՊ-ի ծրագրում «ճպցնում» էիք՝ ժողովրդին խաբելու համար, հիմա արդեն չկա՞։ Ո՛չ, խնդիրը այլ բանի մեջ է․ Արևմուտքին է խոսք տվել։ Իսկ Ռուսաստանին ամենաքիչն է պետք այստեղ պատերազմական գործողություններ, և իր դիրքերի թուլացում, որովհետև այսօր ՌԴ-ն այն իրավիճակում չէ, որ իրեն դա ձեռնտու լինի»։

«1991-ին Ադրբեջանը Ալմաթիի հռչակագիրը ընդունել էր, բա խի՞ հարձակվեց». Էդուարդ Շարմազանով