«Մի հետաքրքիր հարց ունեմ». Լևոն Բարսեղյան

«Ասպարեզ» մամուլի ակումբի նախագահ Լևոն Բարսեղյանի գրառումը. «Մի հետաքրքիր հարց ունեմ․ ՀՀ և Ադրբեջանի պաշտոնյաները, երբ դրսերում հանդիպում են, ելնում են դուրս, որ շփվեն լրագրողների հետ, ասելիքներն ասեն, ո՞ւր են Հայաստանից գնացած լրագրողները, որ հարցեր տան հատկապես Ադրբեջանի պաշտոնյաներին, Ալիևին։ Կամ հանրային ՀԸ լրագրողները գոնե, որոնց մենք ենք վճարում, ո՞վ պիտի գնա, Ալիևին հարցնի ․․․ , լիքը բան կա հարցնելու, ու հարցի ձևակերպումներն էլ են կարևոր, հիմա չպատմեմ, բայց կարելի է այնպես հարցնել, որ ինչքան էլ ոջիլի անեկդոտը պատմի, մնա հարցի տակ։ Ո՞ւր են նախկին իշխանությունների սեփականություն ԶԼՄ-ների լրագրողները, որ այստեղ ՀՀ պաշտոնյաներին լեզվակոխ են անում, ղժղժում ու ճղճղում իրենց, փող չունե՞ն գնան այդ հանդիպումների վայրերը, հարցեր տան մի քիչ ղժղժան ադրբեջանցոնց վրա։ Թե՞ տերը թույլ չի տալիս։

Ընկերներիցս մեկը գրեց, թե ինչու մերոնք հետներն օդանավով լրագրողների օպերատորների չեն տանում։ Սա առանձին քննարկման հարց է, էթիկայի հարց էլ է (օգտվել պետական աջակցությունցի փաստորեն), իհարկե, նաև կարևոր է, այդ նպատակով մեկնել կամեցող լրագրողների հավատարմագրումը, խտրականություն և հովանավորչություն չլինի»։