Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Իշխանությանն ուղղված իմ հիմնավորված քննադատության սլաքները միտումնավոր ուղղել են Հայաստանի դեմ». Արտակ Զաքարյան

«Իշխանությանն ուղղված իմ հիմնավորված քննադատության սլաքները միտումնավոր ուղղել են Հայաստանի դեմ». Արտակ Զաքարյան
196
Երկուշաբթի, 17 հոկտեմբերի, 2022 թ., 13:54

ՀՀԿ-ական գործիչ Արտակ Զաքարյանը գրել է. «Ինչպես աղավաղում են ազգի շահերը, այնպես էլ՝ պարզ խոսքը

Անբարոյականների մի ստվար կաստա, նախորդ շաբաթ, ուղղորդված ձևով տեղեկատվական տեռոր են իրականացրել՝ աղավաղելով իմ ասելիքն ու դրա նպատակը: Ստահակները, իշխանությանն ուղղված իմ հիմնավորված քննադատության սլաքները, հասկանալով կամ առանց հասկանալու, միտումնավոր ուղղել են Հայաստանի դեմ: Անկեղծ ասեմ՝ նման կազմակերպված վայնասունի պատճառը չէի կարողանում հասկանալ: Հայտնի է, որ սրանց իշխանական հրահանգիչները դավադիր ու հակապետական են, բայց դժվար թե այնքան անուղեղ լինեին, որ չհասկանային ու այդպես սխալ մեկնաբանեին ասվածը: Վերջին օրերին, մի շարք մասնագետների հետ այս թեմայով քննարկումներ ենք անցկացրել: Ոչ մեկի մոտ չկա կարծիք, որ առիթ էր տրված նման վայնասուն բարձրացնելու համար: Կա համոզմունք, որ իրենց հարմար ձևով կառչել են կոնտեքստից կտրված մեկ նախադասությունից (առանց մտքի շարունակության վրա ուշադրություն դարձնելու), և առավելագույնս մանիպուլյացրել են այնպես, ինչպես կաներ, օրինակ, թշնամական քարոզչությունը:

Ըստ մասնագետների՝ սրանց նպատակն այլ էր: Փաստորեն, սրանց ցավացրել է ասուլիսում արված իմ հայտարարություններն Արցախի և Հայաստանի հեռանկարների վերաբերյալ, և նպատակը հիմնական թեմաներից ուշադրությունը շեղելն է եղել: Իսկ այնտեղ ես մանրամասն խոսել եմ, թե ինչ են նշանակում ս.թ. սեպտեմբերի 27-ին Վաշինգթոնում և հոկտեմբերի 6-ին Պրահայում անցկացված «բանակցությունները» և ինչպես են պատրաստվում լուծել Արցախի, հայկական միջանցքի, Հայաստանը թուրքական ճամբար մտցնելու և մի շարք այլ հարցեր՝ հօգուտ թուրքերի և ի վնաս հայ ժողովրդի:

Ոչ ոք չի մոռացվել, ոչինչ չի մոռացվել: Ամեն արարք ունի իր պատասխանատվության ժամը»:

Աղբյուրը`   Արտակ Զաքարյան