«Հայերը չպիտի սպասեն Մոսկվայի հրահանգներին». Թորոս Ալեքսանյան

Վերլուծաբան Թորոս Ալեքսանյանի գրառումը․ «Եթե Հայաստանն ու ընդհանրապես հայ ժողովուրդը չեն ուզում վերանալ աշխարհի երեսից, ուրեմն՝ պիտի վարեն ոչ թե ռեակտիվ (իսկ երբեմն էլ նույնիսկ իներտ) արտաքին քաղաքականության, այլ պրոակտիվ արտաքին քաղաքականություն, այսինքն՝ պիտի աշխարհով մեկ, որքան որ հնարավոր է, բարձրաձայնեն մեր հարևանների կողմից մեր նկատմամբ իրականացվող ագրեսիաների մասին (այլ ոչ թե ցավակցական ինչ-որ հեռագրեր ուղարկեն նրանց) ու կատեգորիկ կերպով պահանջեն աշխարհից, որպեսզի այդ ամենի դեմն առնեն (այնպես, ինչպես ուկրաինացիներն են պահանջում):

Ու ընդհանրապես Հայաստանի ու հայկական սփյուռքի աշխարհի հետ հարաբերվելու կոնցեպտը պիտի կառուցվի այն մոտեցման վրա, որ Հայոց ցեղասպանությունը դեռ շարունակվում է, և առաջադեմ աշխարհը ՊԱՐՏԱՎՈՐ Է կանգնեցնել այն:

Հասկանալի է, որ մինչ այսօր այդպես չի եղել, քանի որ Ռուսաստանը թույլ չի տվել Հայաստանին ու հայկական սփյուռքին (նրա հիմնական կառույցները նույնպես ռուսական հատուկ ծառայությունների կողմից են կառավարվում) դա անել, սակայն կապված ռուս-ուկրաինական պատերազմի հետ իրավիճակ է փոխվել և հայերը չպիտի իներցիայի ուժով սպասեն Մոսկվայի հրահանգներին ու ըստ այդմ՝ գործեն, նրանք ՊԱՐՏԱՎՈՐ ԵՆ արդեն գործել ինքնուրույն. ժամանակը եկել է»: