Եռաբլուրում որդեկորույս մայրերին բռնությամբ բերման ենթարկելու վերաբերյալ քրեական գործ է հարուցվել

2022 թ․ սեպտեմբերի 21-ին Եռաբլուրում որդեկորույս մորը բռնությամբ բերման ենթարկելու մասին ՀՔԱՎ-ի հաղորդումը միացվել է արդեն հարուցված քրեական գործին։ Այս մասին «Առավոտ»-ին տեղեկացրել են ՀՀ գլխավոր դատախազությունից։ ՀՔԱՎ-ը հանցագործության մասին հաղորդում էր ներկայացրել միջադեպից ժամեր անց՝ «Նյուզ» լրատվական կայքի «Էդ տականքը որդուս շիրիմը չի պղծելու. զոհվածի մոր ինքնազգացողությունը վատացավ բերման ենթարկվելիս» հրապարակման հիման վրա։ Տեսանյութում երևում է, թե ինչպես են կարմիրբերետավորները, ուժ կիրառելով, բերման ենթարկում որդեկորույս մորը՝ ուշադրություն չդարձնելով անգամ նրա ինքնազգացողության վատացմանը, որից հետո կինը ուշագնաց է լինում։ Ոստիկանները շարունակում են իրենց բռնի գործողությունները նաև դրանից հետո։

ՀՔԱՎ-ը ՀՀ գլխավոր դատախազից հայցել էր ոչ ուշ, քան օրենքով նախատեսված 24 ժամում նախաձեռնել քրեական վարույթ և իրականացնել օբյեկտիվ, լրիվ և բազմակողմանի քննություն։

Առավել մանրամասն՝ սկզբնաղբյուրում: