«Այսօրվա իշխանությունները բոլոր պայմանները ստեղծում են, որ մենք վախենանք». Արա Աբրահամյան

«Եվրոպա, Ամերիկա... ո՞վ ա ասում՝ իրենց հետ չաշխատենք: Երբևիցե չի եղել դեպք, որ ՌԴ-ն ասի՝ մենք դեմ ենք ՀՀ-ի բարեկամությանը Եվրոպայի, Ամերիկայի հետ»,- այսօրվա ասուլիսի ժամանակ նշել է Ռուսաստանի հայերի միության նախագահ, «Արարատյան ալյանս» մտքի կենտրոնի հիմնադիր Արա Աբրահամյանը՝ հավելելով, որ ՀՀ-ը փոքր պետություն է, պետք է բոլորի հետ աշխատի: «Բայց մենք չենք կարող երկու մարդ դառնալ. մենք ունենք պայմանագիր ՌԴ-ի հետ... Այսօր ՌԴ-ում մոտ 3 մլն հայ է ապրում, նայեք՝ ինչքան գումար է գալիս... Մենք պետք ա մեր տեղն ունենաք, չենք կարող՝ էսօր ձեզ հետ, վաղը՝ մյուսի»: Անդրադառնալով Ալիևի ծավալապաշտական նկրտումներին ու ՀՀ իշխանությունների պահվածքին՝ նշել է. «Այսօրվա իշխանությունները բոլոր պայմանները ստեղծում են, որ մենք վախենանք: Երբևիցե չեն ասում՝ մենք քաջ ենք, կհաղթենք, մենք ունենք մեր ծրագրերը»:

Աբրահամյանը տեղեկացրել է, որ հոկտեմբերի 19-ից 23-ն անցկացվելու են «Արարատյան ալյանս» մտքի կենտրոնի համաժողով-քննարկումները՝ միտված Հայաստանի և Արցախի զարգացման ազգային օրակարգի ձևավորմանը։

Երևանում հոկտեմբերի 28-31-ը սպասվող Սփյուռքի հետ համաժողովին ՌԴ հայերի միության նախագահը հրավիրված չէ: