«Զատուլինի մուտքը ՀՀ արգելելու որոշումն աչքալուսանք էր Ադրբեջանին և Թուրքիային». Ագնեսա Խամոյան

ԱԺ հայտարարությունների ժամին քիչ առաջ ելույթ ունեցավ նաև «Հայաստան» խմբակցության պատգամավոր Ագնեսա Խամոյանն ու անդրադառնալով Կոնստանին Զատուլինի՝ ՀՀ մուտքի արգելքին, ասաց. «Հետևողականորեն հայ-ռուսական հարաբերությունները փչացնող օրվա իշխանությունը բացառապես սեփական իշխանության շահերից է մեկնաբանում դաշնակից ՌԴ-ի խորհրդարանի պատգամավորի խոսքերն ու անտեսում նրա հայամետ դիրքորոշումը: Պարոն Զատուլինն արդեն հայտարարել է, որ ՀՀ իշխանությունների հիստերիկ որոշումները չեն ազդելու իր հայանպաստ դիրքորոշման ու գործունեության վրա»: Խամոյանի խոսքով՝ Զատուլինի մուտքը ՀՀ արգելելու որոշումն աչքալուսանք էր Ադրբեջանին և Թուրքիային: