«Ռուսաստանը պետք է որ չհամաձայնի վաշինգթոնյան տարբերակին»․ Վազգեն Մանուկյան

ՀՀ նախկին վարչապետ Վազգեն Մանուկյանը լրագրողների հետ զրույցում խոսել է ՌԴ նախագահ Վլադիմիր Պուտինի՝ Վալդայ ֆորումի մամլո ասուլիսի ժամանակ արված հայտարարությունների մասին․ «Պուտինն Արցախի հարցի վերաբերյալ մի բան ասաց, որը այս կամ այն ձևով հնչել էր, շատ նորություն չէր: Այսինքն՝ մնում է այն հին վիճակը: Բոլոր բանակցությունների ժամանակ խոսքը գնում էր «տարածքներ Արցախի անկախության ճանաչման դիմաց» սկզբունքով: Հիմա իր անդրադառնալը նաև այն էր նշանակում, որ համաձայնագրի ռուսական ծրագրում նշվում է, որ Արցախի հարցն այժմ չի քննարկվում, դրվում է հետ: Դա ցույց է տալիս, որ Ռուսաստանը չի հրաժարվում այդ հարցի հետագա քննարկումից, որը ես համարում եմ դրական»:
Խոսելով վաշինգթոնյան փաստաթղթի մասին՝ Մանուկյանը նշել է․ «Եթե դուք խորոնաք ԱՄՆ-ի շահերի և Ռուսաստանի շահերի մեջ, այդ շահերը ճանաչելով պետք է որ Ռուսաստանը չհամաձայնի վաշինգթոնյան տարբերակին»: