«Ստացվում է՝ ռուսներին քշում ես, մնում ես թուրքերի տիրապետության տակ»․ Վազգեն Մանուկյան

ՀՀ նախկին վարչապետ Վազգեն Մանուկյանը լրագրողների հետ զրույցում անդրադարձել է Հայաստանում հակառուսական տրամադրությունների տարածմանն ու դրա հետևանքներին. «Թուրքիան շատ վարպետորեն խաղում է Ռուսաստանի և Արևմուտքի արանքում, բայց վերջիվերջո, իր հակասություններն ո՞ւմ հետ են լինելու՝ Ռուսաստանի՞, թե՞ Արևմուտքի: Ռուսաստանի հետ, որովհետև այն ծրագրերը, որոնք ունի Թուրքիան, կապված են այս տարածքի հետ: Նա ուզում է Թուրանական մեծ պետություն կառուցել և իր թշնամին այդտեղ դառնալու է ՌԴ-ն, ուշ, թե շուտ, բախում է լինելու ՌԴ հետ: Այդ դեպքում Թուրքիան դառնում է Արևմտյան: Ստացվում է, որ դու ռուսներին քշում ես, մնում ես թուրքերի տիրապետության տակ: Եթե դու Թուրքիային համարում ես թշնամի, ինչո՞ւ ես այդպես անում»,- ասել է նա: