«ՀԱՊԿ-ի վրա ո՛չ մեծ հույս պետք է դնել, ո՛չ էլ համարել դրանում մնալը սխալ». Բաբկեն Հարությունյան

«Հայրենիք» կուսակցության անդամ Բաբկեն Հարությունյանի գրառումը. «ՀԱՊԿ անդամ երկրներն իրենց շահերն ունեն նաև Ադրբեջանի հետ, հասկանալի է, որ այսօրվա խորհրդի նիստին Հայաստանին կոչեր են անում պայմանավորվել Ադրբեջանի հետ և խուսափել նոր պատերազմից, իրենց էլ չներքաշել դրանում։ Հասկանալի չէ և անընդունելի է, թե ինչու են նրանք հավասարության նշան դնում ՀԱՊԿ անդամ Հայաստանի և ՀԱՊԿ անդամ չհանդիսացող Ադրբեջանի միջև։ Հենց այս և նմանատիպ մոտեցումներն են պատճառ հանդիսանում կառույցի թույլ կայացվածության, բայց կան այլ հարցեր, որոնց մասին քիչ է բարձրաձայնվում։ Մեկ օրինակ՝ ի՞նչ ճանապարհով է Ռուսաստանից զենք հասնում Հայաստան, երբ Վրաստանը թույլ չի տալիս։ Պարզ է չէ՞, որ միակ ճանապարհն Իրանն է, իսկ Իրան, որ երկրների տարածքով կարող է հասնե՞լ... Հետևաբար ՀԱՊԿ-ի վրա ո՛չ մեծ հույս պետք է դնել, ո՛չ էլ համարել դրանում մնալը սխալ։
Առաջիկայում սպասելիքները լավը չեն»։