«Մեր ապրելու իրավունքը փորձում են որոշել առանց մեզ»․ Արցախի թեմի առաջնորդ

«Մեր ապրելու իրավունքը փորձում են որոշել առանց մեզ։ Չար ուժերը փորձում են Արցախը հայաթափել, որոշումներ կայացնել՝ ոչ ի նպաստ մեզ։ Մենք գիտենք, որ Արցախի հարցը սովորական հարց չէ, այն չարի և բարու, խավարի և լույսի պատերազմ է, քոչվորի և տեղաբնիկի հարց է, որ ուզում են լուծել գաղտնի և առանց մեզ»,- Արցախի Վերածննդի հրապարակում տեղի ունեցած հանրահավաքում ասել է Արցախի թեմի առաջնորդ Տեր Վրթանես եպիսկոպոս Աբրահամյանը։

Նա նշեց, նոր այսօր Արցախի հարցի լուծման միայն ու միայն մեկ տարբերակ կա՝ ազատ ու ինքնորոշված Արցախ։